મકરસંક્રાંતિ 2023 : મુહૂર્ત અને દાનનું મહત્વ.

જ્યોતિષશાસ્ત્ર

સામાન્ય રીતે મકરસંક્રાંતિ કે પછી ઉત્તરાયણું પર્વ દર વર્ષે 14 જાન્યુઆરીના દિવસે જ ઉજવવામાં આવતું હોય છે. જોકે શાસ્ત્રો મુજબ મકર સંક્રાંતિ 14 અને 15 જાન્યુઆરી આમ જુદી જુદી તારીખે પણ આવતી હોય છે. જેનું કારણ સૂર્યનું મકર રાશિમાં ગોચર એટલે કે પ્રવેશ હોય છે.

ત્યારે આ વખતે પણ મકર સંક્રાંતિને લઈને પંચાંગ ભેદથી કેટલીક જગ્યાએ 15 જાન્યુઆરીના દિવસે મકરસંક્રાંતિની ઉજવણી કરવામાં આવશે જ્યારે કેટલીક જગ્યાએ 14 જાન્યુઆરીના દિવસે. 14 જાન્યુઆરીના દિવસે બપોરે સૂર્ય મકર રાશિમાં પ્રવેશ કરે છે જેના કારણે વૈષ્ણવ પંથ મુજબ સૂર્ય ઉદ્યાત સમયે મકર રાશિમાં ન હોવાથી બીજા દિવસે ઉદય સમયને મકરસંક્રાંતિ ગણાવામાં આવશે જ્યારે શૈવ પંથના મુજબ સંધ્યા સમયે સૂર્ય મકરમાં હોવાથી 14મીએ જ મકરસંક્રાંતિ મનાવવામાં આવશે.

આ પર્વની ધાર્મિક પરંપરા ઉપરાંત તહેવારના દિવસે પતંગ ચગાવવાની ઉજવણી માટે પતંગ બજારમાં પણ ભીડ દેખાઈ રહી છે. જોકે આ વખતે પણ મકરસંક્રાંતિની ઉજવણીને કોરોનાનું ગ્રહણ લાગશે.

બીજી બાજુ ધાર્મિક રીતે મહાત્મ્ય ધરાવતા પર્વ મકરસંક્રાંતિની પરંપરાગત ઉજવણીને લઇને તડામાર તૈયારીઓ ચાલી રહી છે. જે મુજબ, આ વર્ષે 14 જાન્યુઆરીએ બપોરે 2:30 વાગ્યે સૂર્યદેવ રાશિ પરિવર્તન કરશે. એ જોતા રોહિણી નક્ષત્ર, બ્રહ્મયોગ અને બાલવ કરણમાં મકરસંક્રાંતિ પર્વની ઉજવણી થશે.

14મી જાન્યુઆરીએ બપોરે કમુરતા પૂર્ણ થશે:

સૂર્યદેવના મકર રાશિમાં પ્રવેશ સાથે મકરસંક્રાંતિની ઉજવણી કરાય છે. તે દિવસે દાન, પુણ્ય, સેવાકાર્યનું પણ ભારે મહત્ત્વ આંકવામાં આવે છે. ચાલુ વર્ષે 14 જાન્યુઆરીના શુક્રવારે બપોરે 2:30 કલાકે સૂર્યદેવ મકર રાશિમાં પ્રવેશ કરશે. તે સાથે જ ધનારક એટલે કે કમુરતા પૂરા થશે અને માંગલિક કાર્યોનો આરંભ થશે. શુક્રવારે રાત્રિએ 8:18 વાગ્યા સુધી રોહિણી નક્ષત્ર છે. મકરસંક્રાંતિની ઉજવણી સાથે જ ધનારક પૂરા થશે. કળકળતો ખીચડો ઉતરે, દાન પર્વ, ગંગા સાગર ત્રિવેણી સંગમ, સ્નાન પર્વ, સૂર્ય પૂજાની ઉજવણી થશે. શુક્રવારે બપોરે 2:30થી રાત્રિએ 8:23 વાગ્યા સુધીનો મહાપુણ્યકાળ ગણાશે.

સંક્રાંતિનું સ્વરૂપ જોતા સારો વરસાદ પડશે:

સંક્રાંતિની ઉજવણી સાથે તેના સ્વરૂપનું પણ ઘણું મહત્ત્વ છે. આ વર્ષ સંક્રાંતિનું વાહન વાઘ, ઉપવાહન અશ્વ, પીળા કપડા પહેરેલ છે. હાથમાં આયુધ ગદા ધારણ કરેલ છે. જાતિ સર્પ છે. કેશરનું તિલક કરેલ છે. તે બેઠેલી અવસ્થામાં છે. મોતીના આભૂષણ ધારણ કર્યા છે. નક્ષત્રનામ નંદા છે. ઉત્તરમાંથી આવીને દક્ષિણ તરફ જાય છે. તેની દૃષ્ટિ નેઋત્ય દિશા તરફ છે. મુખ પૂર્વ તરફ છે. જેથી ઉત્તર અને નેઋત્ય દિશાના લોકોને સુખ મળશે. તો સંક્રાંતિ નિમિત્તે સૂર્યનારાયણને જળ-દૂધનો અર્ઘ્ય ફળદાયી રહે છે.

 

Leave a Reply

Your email address will not be published. Required fields are marked *